Frå rosa sky til ny retning for Sondre Moshagen Lightning Trio

— Det har jo vore som å sveve på ei rosa sky. Å verkeleg få satse alt på draumen. Og så har eg skrive masse ny musikk, så vi er verkeleg på ein heilt annan plass i dag enn for eitt år sidan, seier Sondre Moshagen.

Jazzintro er eit lanseringsprogram for unge jazzmusikarar i Noreg, arrangert av Norsk jazzforum i samarbeid med fleire norske jazzfestivalar. Gjennom deltaking får unge band turnéerfaring, synlegheit og tilgang på mentorar.

Vinnaren får tittelen Årets unge jazzmusikere og får spela på sentrale scener i Noreg, i tillegg til støtte til vidare utvikling.

Nye perspektiv i studio

Mentorprogrammet i Jazzintro førte trioen saman med Kit Downes, som også produserte debutplata «Lightning». Studioarbeidet var ei skapande og utfordrande erfaring, fortel Moshagen.

— Dei to dagane med han i studio i Trondheim i januar vart heilt spesielle. Mange av låtane på plata er jo tre år gamle. Men Kit kom med ei innstilling om at låtane kan bli heilt annleis i studio enn live. Så vi fekk jobba ein del med å gjere låtane så fleksible at dei kan formast i nuet. Noko som vi igjen tek med live – at dei får ei ramme for at ting kan skje spontant

I tillegg fekk trioen spele saman med saksofonisten Immanuel Wilkins på Oslo jazzfestival, eit samarbeid som sette spor.

— Han gir musikken tid og rom til å utfolde seg. Han jobba mykje med energien, og snakka om å ha eit kontrollert forhold til intensitet, tension/release.

Erfaringar som varer

Mentorprogrammet har gitt meir enn gode råd og tips – det har skapt ekte musikalske møte.

— Jazzintro har gitt oss uvurdelig konserterfaring gjennom festivalturnéen, og moglegheita til fleire store musikermøtar gjennom mentorordninga – det å få samarbeide og spele med nokre av våre heltar.

Moshagen peikar òg på at det krev mykje å stå i ein så intens utviklingsfase:

— Men etter ei intens periode med høge skuldrar, i vakuumet av det, så er det ofte musikken berre flyt ut av meg. Då kan eg få ein euforisk følelse av å spele på jam etterpå for eksempel!

Les heile intervjuet hos Norsk Jazzforum.